Monday, January 17, 2022

చిరు ఇంట్లో భోగి సందడి

అంతా ఒక్క దగ్గర చేరి సంక్రాంతి సంబరాలు
హైదరాబాద్‌,జనవరి14 : టాలీవుడ్‌లో సినిమాలతో పాటు కుటుంబాలు, బాంధవ్యాలకు బాగా విలువిచ్చేవారిలో మెగా ఫ్యామిలీ ఒకటి. ఏ పండగొచ్చినా ఇంటిల్లిపాది కలిసి జరుపుకొంటారు. తెలుగు రాష్టాల్లో అతి పెద్ద పండగైన సంక్రాంతి కోసం మెగా బ్రదర్స్‌ కుటుంబాలు ఒకే చోట చేరాయి. చిరంజీవి, ఆయన సోదరుడు నాగబాబు కుటుంబం కలిసి వేడుకలు జరుపుకుంటున్నారు. కాగా తమ భోగి పండగ సెలబ్రేషన్స్‌కు సంబంధించిన ఫొటోలు, వీడియోలను సోషల్‌ విూడియాలో షేర్‌ చేసుకున్నాడు వరుణ్‌ తేజ్‌. దీంతో ఇవి కాస్తా వైరల్‌గా మారాయి. కాగా పండగ కోసం చిరంజీవి, వరుణ్‌లిద్దరూ చెఫ్‌ మాస్టర్లుగా మారిపోయారు. తమ కుటుంబ సభ్యుల కోసం సరదాగా దోసెలు వేశారు. కాగా తన కంటే వరుణ్‌ వేసిన దోసె బాగా రావడంతో చిరు చిన్నపిల్లాడిలా అతనితో గొడవపడ్డారు. ‘అది సరిగా రాలేదు, నాకు కుళ్లు వచ్చేసింది. ఇది దోశ కాదు ఉప్మా’ అంటూ వరుణ్‌ వేసిన దోశను గరిటెతో చెడగొట్టాడు చిరంజీవి. కాగా ఈ వీడియోను ‘బాస్‌తో 101వ దోశ’ అన్న క్యాప్షన్‌తో ఇన్‌స్టాగ్రామ్‌లో షేర్‌ చేశాడు. దీంతో వీడియో నెట్టింట్లో వైరల్‌గా మారింది. పోస్ట్‌ చేసిన కాసేపటికే లక్ష పైచిలుకు వ్యూస్‌ వచ్చాయి. ఇక ఈ వీడియోను చూసి మెగా అభిమానులు మురిసిపోతున్నారు. ఇక నిహారిక కూడా సంక్రాంతి సెలబ్రేషన్స్‌లో భాగమైంది. ఇంటి ముందు ముగ్గులు, వరుణ్‌ దోశలతో సహా ఫ్యామిలీతో సరదాగా గడుపుతున్న సన్నివేశాలనంతటినీ వీడియో తీసి ఇన్‌స్టాగ్రామ్‌లో పంచుకుంది.

Related Articles

- Advertisement -spot_img

Latest Articles